Розделъ четвертыйнадъцать. О злодействе всякого стану

Артыкулъ 1.

О пойманомъ з лицомъ слузе и подданомъ чиемъ, где маеть быти веденъ.

Кгды бы хто чиего слугу, боярина, чоловека тяглого або челядника неволного зъ якимъ лицомъ, речьми крадеными поймалъ обычаемъ и порядъкомъ, нижей в семъ розделе описанымъ, такъ в дому его, яко и на поли албо на дорозе, толко бы на кгрунте пана того чоловека, тогды такового лицованого чоловека маеть вести до пана его, чий будет, до того двора, ку которому оный ч[о]л[о]в[е]къ належит. А где бы трафилося кому чиего слугу чоловека поймати з лицомъ не на именью пана его, але где индей на дорозе албо на чужомъ кгрунте будучого, албо тежъ в местечку, в селе иншого пана, будь тежъ в месте нашомъ, где несудовый врядъ и не торгового дня албо в селе нашомъ, такового стороне жалобной волно будеть вести где въсхочеть, албо до вряду нашого, г[о]с[по]д[а]рьского, кгродъского того повету, албо тежъ до пана его, и поведет ли до пана, ино подавши его с тымъ лицомъ оному пану самому, а в небытности самого пана - ино вряднику, тивуну его або рыкуни, а межи становъ меншыхъ убожъшихъ, где врядника, тивуна не будеть, ино жоне або сыну дорослому, маеть з нимъ справедливости просити, а тотъ панъ, або в небытности панъской – врядникъ, виненъ будеть ему справедливость неотволочную надалей до двухъ недель учинити водлугъ сего статуту. И прийдет ли с права до зводу, тогды [з]водъ до остаточного стопня права там же на том местцу мает быти чинен тым же обычаем, яко нижей въ другом артыкуле сего розделу о зводе на врядех наших ест ширей описано, и до розсудку правного того человека, з лицомъ поданого, тот, кому его подадутъ, мает в доброй опатръности и за своею сторожею, от жалобное стороны сторожи не потребуючы, ховати. А естли бы то пан або врядникъ его справедливости ему о то учинити не хотелъ або ее не водлугъ права сего посполитого с кривдою стороне жалобной чинилъ, таковый, будучи о то до вряду нашого суду належного позванъ, повиненъ будеть самъ передъ врядомъ нашимъ стати и того въ злодействе обвиненого поставити.

А врядъ нашъ в той речы промежку нихъ розсудити и винъного водлугъ права карати маеть. Естли ж бы тотъ злодей утекъ у того пана своего, або панъ оное лицо стратилъ и передъ судом нашимъ злодея бы не поставилъ и лица не положилъ, таковый самъ албо его врядникъ, кому тотъ злодей былъ поданъ, повиненъ будеть первей на томъ присегнути, ижъ тотъ злодей утекъ або лице згинуло без рады, ведомости, фолги и не за опатръностью або недбалостью его. А по такомъ отприсяженью предсе жалобной стороне шкоду заплатити, на чомъ присягнеть албо який иный слушный доводъ учинить, што ему при оном лицы будет згинуло. А естли тотъ злодей в такой вине былъ обжалованъ, за што горломъ карають, предсе и потомъ, где колвекъ можеть быти постигненъ, горломъ каранъ быти маеть. Пакли ж бы за приведеньемъ до двора которого пана або дому шляхетъского ч[о]л[о]в[е]ка его лицованого оный панъ або его врядникъ, тивунъ и хто жъ колвекъ, въ дворе будучый, стороне поводовой, возному и людемъ стороннимъ оказатися албо, оказавшися, обвиненого въ злодействе до себе взяти не хотелъ, такового ч[о]л[о]в[е]ка волно будетъ стороне укривжоной вести до вряду нашого судового кгродского и тамъ собе з нимъ на вряде нашомъ справедливости доводити.

Артыкулъ 2.

О чыненью справедливости з села въ обвиненью злодейскомъ.

Коли бы теж што у кого украдено, а увидится ему шкода от которого села, а шкодника своего не ведаеть, тогды маеть просити права на тое село у пана его. А естли бы далъ всему селу вину, тогды три мужы з оного села, которыхъ онъ обереть, мают присегнути, якъ в томъ селе шкодника его не ведают и сами шкодниками не суть. А пакли бы о тое не присегнули, тогды оное село все тую шкоду всю тому шкоднику мают платити, а собе злодея искати. А где бы в томъ селе люди были розныхъ панов, тогды укривжоный маеть всихъ тыхъ пановъ однымъ листом упоминалнымъ и на одинъ рокъ о вчиненье такое справедливости обнести и с того листу копии одному которому ч[о]л[о]в[е]ку кождого пана в томъ селе черезъ возного подавати. А который панъ або его врядникъ за листомъ упоминалнымъ справедливости не вчинить, тот панъ самъ, будучи о то припозванъ, за доводом стороны жалобное шкоду ему платити виненъ будеть. Такое жъ ся право в той мере и о селахъ нашихъ, г[о]с[по]д[а]рьскихъ, розумети маеть.

Артыкулъ 3.

О поиманом з лицомъ в местехъ нашихъ, г[о]с[по]д[а]рьскихъ, и о зводехъ злодейства, с чимъ колвекъ хто поиман будеть.

Уставуем: кгды бы хто шляхетъского народу чоловекъ яко и простого стану, будь нашъ, г[о]с[по]д[а]ръский, подъданый албо князский, панский и земяньский, также и чоловекъ лезны[й], безъ службы мешкаючый, або и слуга чый безъ бытности пана своего, албо тежъ гость приеждчый в которомъ месте нашомъ, где суть вряды судовые кгродъские, былъ пойманъ на злодействе на самомъ учынку горячом, албо тежъ лице - речы краденые были в него познаны, такового не до пана его, чыимъ бы ся слугою албо подъданымъ озывалъ, але до того жъ вряду нашого судового кгродъского, подъ которымъ пойманъ будеть, а чоловекъ местъский права ма[й]деборъского пойманый, в томъ же месте мешкаючий, до своего враду местъского веденъ быти маеть. А врядъ, взявши такового до везенья, и естли ся который чыимъ слугою або подъданымъ менити будеть, маеть о томъ пану его знати дати, заховуючыся в томъ водълугъ артыкулу двадцать девятого в розделе четверътомъ, и рокъ тому пану ку прислуханью того права ознаймити, и прибудет ли панъ самъ або кого на свое местце на рокъ ознайменый пошлеть, а врядъ при бытности его такого обвиненого водле права судити и сказывати будеть. А естли самъ панъ не прибудеть и никого не пошлеть, то вжо вряд нашъ предся на тотъ рокъ зложоный судити и коньчити маеть водле права.

По тому жъ ся врядъ нашъ около даванья знати паномъ о ихъ слугахъ и людяхъ маеть заховати, и кгды хто пойманый на дорозе або где индей, яко о томъ въ артыкуле перъвшомъ сего розделу есть описано, до вряду приведенъ и до везенья подан будеть, а часу права, кгды бы обвиненый в злоде[й]стве поведилъ заводъцу, от кого тое лицо маеть, тогды маеть на том же вряде нашом того заводцу поставити або сознаньемъ врядовымъ себе очыстити: где будет то купил и на котором вряде то оповедалъ и въ книги записалъ. А естли бы тотъ заводца того обвиненого в злодействе передъ врядомъ заступилъ, а тотъ бы заступца брался на иншый зводъ, хотечы вести от суда вряду нашого на инъшого заступъцу и до инъшого вряду, то ему не маеть быти дано, але кождый заступца до остаточнего [в оригинале: "остатоснего"] зводу маеть быти становенъ передъ тымъ врядомъ нашимъ, где ся початокъ сталъ зводу. А лице во вряде будеть ку зводу тотъ выкупати, хто ся зводить. А вед же за выскупованье [!] лица болшей врядъ не мает брати, толко по дванадцати грошей и за кождымъ зводомъ якъ от самого вязня, выпущаючы его, такъ от лица, которое будет ку праву ставено, и кождому таковому, хто ся выводит з маетности оного, на ком лице застанет, навезка водле стану сказована быти мает. А пакли бы ув оного злодея маетности такъ много не было, чим лице во вряде выкупити, тотъ вряд маеть лице жалобной стороне даромъ вернути. А злодей яко за злодейство, такъ и за вси навезки и шкоды маеть горломъ приплатити. А естли бы заводцы перед врядомъ нашымъ до остаточного зводу не поставил, а сознаньемъ врядовымъ себе в томъ злодействе не очистилъ, тогды тот каранъ быти мает яко злодей, а шкода, на чом сторона жалобливая присягнет, то мает быти плачоно з дому оного злодея. А где бы остаточный заводца себе не очистилъ выписомъ врядовымъ, где оную речь купилъ, або, ижъ то его конь або волъ доморослый, сведецъствомъ слушнымъ ся выправилъ [по смыслу напрашивается "ся не выправилъ", но так в оригинале], таковый яко навезокъ, такъ и шкодъ никому платити не будеть повиненъ, нижли естли бы тую речь купилъ, пенези свои тратить. А пакъли бы сторона поводовая, которая позвала, менила коня або вола своимъ доморослым, або речь, дома уробленую, якъ сукно и якую колвекъ [в оригинале: "полвекъ"] иншую речь, а сторона жалобливая, которая будеть з лицомъ приведена, будучи тежъ неподойзреною, менила быти своимъ доморослымъ або доморобленымъ, а подобенъство ку тому ся стегало, хотя бы и обедве стороне выдали светковъ годныхъ, тогды за подобенъствомъ и за сведецъствомъ сторона обжалованая при своихъ светкохъ [в оригинале: "светокохъ"] близшая будет ку выводу присягою, иж то его естъ доморослое або дома робленое, бо тому бы вжо шло о горло. А вед же судъ подобенъства всякие на доброй бачности мети маеть и в речахъ вонтъпливыхъ склонънейший маеть быти ку вызволенью, нижли ку каранью. А простого стану ч[о]л[о]в[е]къ, который первый або другий раз около таковыхъ речей будеть обвинен, тотъ ку таковому отводу маеть быти припущонъ, а по выводе такового толко от горла обжалованый воленъ будеть, а навезки собе домагатися не маеть.

Артыкулъ 4.

О то, што бы ся стало на торъгу албо на ярмарку и празнику.

Розумеючы быти не меншый пожытокъ намъ и подданымъ нашымъ с торговъ и ярмарковъ, которые в томъ панстве нашомъ бывають и для того варуючы, абы такие згромажен[ь]я людъские в покою и безпечности доброй заховани были, уставуемъ: кгды бы хто у кого што на торгу укралъ, а с тымъ лицомъ заразомъ на горячомъ учынку пойман былъ, албо бы што в кого передъ тым краденыхъ речей на торгу познано, албо бы який збытокъ, к[г]валт, бой, раны, забийство вчынено, ино, станет ли ся то в месте нашомъ подъ врядомъ судовымъ, в томъ ся стороны и врядъ нашъ заховати мають, яко о томъ вышей въ артыкуле второмъ сего жъ розделу описано. А трафит ли ся пойманье з лицомъ албо забийство, где о горло пойдеть, на торгу албо на ярмарку и празнику в ынших местехъ нашыхъ не подъ урядомъ судовымъ албо тежъ в местехъ князъскихъ, паньскихъ и земяньскихъ, тогды, не может ли быти при томъ возный, и передъ вижомъ того вряду нашого або того пана, будь тежъ врядника его, в чыемъ ся то местечку станеть, маеть быти такий иманъ и до везенья в замку або въ дворе тамошнемъ сажонъ, и где бы се то стало межы слугами або поддаными шляхетскими, зъвлаща в томъ одномъ повете оселыхъ, албо бы нашъ подданый г[о]с[по]д[а]рский шляхетского ч[о]л[о]в[е]ка объвинил и осадил, а шло бы о речъ такую, за што горломъ карають, тогды жалобная сторона, способившы собе возного и сторону, маеть того обвиненого, будь того ж дня або назавтрее, а надалей дня третего або четвертого, взявшы с того везенья торгового, вести з вознымъ и зъ стороною, где всхочеть, албо до вряду нашого судового в том же повете, албо тежъ до пана того, чий ч[о]л[о]в[е]къ будет, и тамъ собе справедливости доводити. А естли черезъ чотыри дни тотъ, хто посадить, а того вязня своего з везенья такового торгового не выйметь без слушныхъ правныхъ причинъ, тогды тотъ врядъ маеть его доброволне, толко взявши собе потуремное, выпустити. А тотъ вязень потомъ навезки водлугъ стану своего, яко бы битъ был, за зельженье и вязенье свое, такъже и того потуремного и тежъ шкодъ, естли бы ся ему за тым иманьемъ и саженьемъ якие стали, будеть мочи на томъ, хто его былъ посадилъ, позыскивати передъ тымъ же врядом. И для того тотъ врядъ, беручы обвиненого до везенья, маеть тежъ и того жалобника албо везеньемъ, албо парукою доброю опатрит[ь], яко бы и обвиненому в такой мере, якъ вышей описано, справедливость не гинула. А будет ли обвинен в такихъ речахъ крвавыхъ нашъ подданый инъшого присуду, а не того, где торгъ будет, от шляхетского ч[о]л[о]в[е]ка, ино тотъ жалобникъ так же ся маеть заховати и вести его до того врядника нашого, в чыемъ присуде естъ, толко бы в том же повете, и тамъ собе права доводити. А выкупати з везен[ь]я того первъшого торгового тотъ маеть, хто дасть осадити, по тому, яко о томъ в розделе четвертомъ доложоно, а потомъ тое шкоды на виноватомъ смотрети. Если бы кривъда якая на торгу, будь в речахъ крвавыхъ [в оригинале: "крвавшхъ"] або иншыхъ меншихъ сталася ч[о]л[о]в[е]ку, на торгъ приездъжому, будь нашымъ або шляхетъскымъ подъданымъ от людей оного двора, где торгъ будет, с таковыми тотъ врядъ справедливость неотволочную што наборздей чынити повиненъ будеть. А приеждчый чоловекъ, нашь або шляхетский, учинит ли кривду ч[о]л[о]в[е]ку оного вряду, где торгъ естъ, тотъ там же маеть быти до везенья осажонъ. И будеть ли вина в речи крвавой, то нашого подъданого до врядника нашого, подъ чыимъ присудомъ будеть, а шляхетъского ч[о]л[о]в[е]ка до вряду кгродъского або тежъ до пана его, яко похочеть, вести и тамъ собе справедливости доводити будеть. А в речахъ менъшихъ, не крвавыхъ маеть о нашомъ подъданомъ вряднику нашому, а о шляхетъскомъ - пану его або в небытности панъской вряднику знати дати. А врядникъ нашъ або шляхтичь, сами приехавшы або черезъ посланцовъ своихъ, мають такихъ обвиненых с тым же врядомъ, подъ которымъ ся што на торгу станеть, сполне судити и винъных карати. А не приедет ли, ани пришлеть врядникъ нашъ або шляхтичъ ку тому праву, ино вжо тотъ панъ або врядникъ оного двора, где торгъ былъ, взявши к собе на тое право возного и двухъ шляхтичовъ, земянъ нашыхъ, г[о]с[по]д[а]ръских, мает такую речь судити и сказовати и до заплаты винъного у везенью держати. Вед же такие поступки, вышей описаные, мають ся заховати межи обовательми того жъ одного повету, в которомъ тотъ торгъ або ярмарокъ будеть. А што ся дотычеть купцовъ и иншихъ людей чужоземъскихъ албо и тубылцовъ и инъших людей приеждчых з ыншого панства або теж и з сего панства, але з ыншихъ поветовъ далекихъ за колкодесятъ миль, такимъ въ кривдахъ ихъ на том же вряде, где ся што на торгу станеть, за обосланьемъ от того вряду оного пана, чий слуга або чоловекъ в чомъ обвиненъ будеть, справедливость чинена быти маеть. Также и с такихъ людей здалека приездъжихъ, кому бы колвекъ в чом кривъду на торгу учинили, тотъ же врядъ, подъ которымъ ся на торгу што станеть, даючи о томъ паномъ ихъ знати, звлаща естли бы обвиненые того потребовали, и рокъ водлугъ далекости местца, якъ зъехати можеть, паном ихъ складаючи справедливост чинити водлугъ статуту и порадъку, о том вышей, в розделе четвертом описаного. А естли бы шляхтич [в оригинале: "шляхтиич"] на таком торгу не судового местца який збытокъ учинилъ, тогды о то з оселости позыванъ будеть, вынявши то, естли бы былъ в речи крвавой, за што горломъ карають, на горячомъ учынку пойманъ, такого до суду кгродъского вести мають. А неоселые шляхта и за меншие выступки, хотя не крвавые, могуть быти иманы, вед же ку росправе ведены до суду кгродского.

Артыкулъ 5.

Яко маеть в дому чиемъ лицо застати.

Уставуемъ: хто бы хотелъ в чиемъ дому шляхетскомъ такъ на селахъ, яко и в местехъ речи краденые застати, тогды, взявши возного и к тому людей сторонъных веры годныхъ, и при нихъ в оном дому тыхъ речей краденыхъ искати маеть. А скоро бы там што зъ речей краденыхъ нашолъ и кого при лицы засталъ, маеть при том же возномъ и людехъ сторонънихъ у того, кого при лицы зостанет, выведатися, откуль тые речы в домъ его досталися. А потомъ, осветчивши вознымъ и стороною, того шляхтича до кгроду позвати маеть. А естли никого не застанеть, одно лицо знайдет, однако жъ с тымъ лицомъ маеть ехать до вряду нашого и там далей подле права поступовати. Пакли бы хто въ своемъ до[м]у крадежу искати не допустилъ, клетей и инъшихъ домовых [сх]ованей [в оригинале: "домовьх срованей"] отомкнути не хотелъ або от лица отбилъ, або лице и злодея отнялъ, тогды тотъ, хто то учинить, будеть повиненъ [в оригинале: "погиненъ"] тую всю шкоду стороне жалобливой платити водле доводу або присеги. Тымъ же способомъ, хто бы хотелъ в чиего ч[о]л[о]в[е]ка крадежъ застати, маеть ся заховати, яко вышей написано. Нижли толко з вознымъ и зъ стороною, опустивши [!] домъ подъданого его, мает [в оригинале: "миет"] того пана або врядника, а не будеть ли врядника, ани тивуна [в оригинале: "тивуьа"], ино старшого, хто в томъ селе будеть, обослати оповедати тое, абы не розумелъ кгвалтовного наеханья. И естли жъ бы пан [в оригинале: "плн"] або врядникъ его при томъ обыйску быти не хотелъ, тогды сторона жалобливая предъся с тыми, кого маеть при собе, обыйскъ вчинити и вси схованья трясти и, нашодшы, с тымъ до того двора пана его, ку которому тот ч[о]л[о]в[е]къ належить, вести мает.

Артыкулъ 6.

О иманью злодея в потрафенью на дорозе.

Коли бы ся кому трафило злодея своего з лицемъ албо и безъ лица, с трафунку на дорозе поткавшы албо угонивши, поймати, тогды тотъ, поймавши, маеть што наблизшымъ по дорозе той людямъ околичнымъ, а будет ли поблизу возный, и возному то оповедати и оказати и вести его албо до пана его, албо до нашого, г[о]с[по]д[а]ръского, вряду судового, што наблизшого от того местца, где помаеть [!], и тамъ собе з нимъ с[п]раведливости доводити. Лечъ часу права в такихъ речахъ при иншыхъ знакохъ, доводехъ не меншъ маеть быти то упатровано, естли же тотъ, хто жалуеть, тую шкоду свою заразомъ, кгды ся ему стала, будеть на вряде оповедалъ и записалъ, будь менуючы власне того злодея имемъ, албо менечы, же не ведати, от кого тая шкода в злодействе сталасе.

Артыкулъ 7.

О важности лица, за што злодей горломъ маеть быти каранъ.

Уставуемъ, ижъ кождый злодей, з лицомъ приведеный и правомъ переконаный, при лицы его, которое бы стояло вышей чотырохъ копъ грошей, маеть горломъ каранъ быти. А которое бы лицо чотырохъ копъ албо меншъ стояло, а первшый бы разъ с тымъ былъ пойманъ, тогды такий тое, што украдено, з навезкою вернути маеть. А не будет ли мети чымъ навезку платити, тогды на выробокъ за то злодей будеть выданъ: музчызне на рокъ по копе грошей, а жонце по пятъдесятъ грошей вытручаючы. А потомъ того жъ злодея, естли бы ся трафило кому поймати повторе з лицом, хотя бы тое лицо и дву копъ грошей не стояло, тогды вжо дупцы у столпа бит быти маеть, а за шкоды и совитость не будет ли мети [в оригинале: "метити"] чым платити, на выробъ, яко вышей описано, выданъ быти маеть. А пакли бы и третий разъ тотъ же што укралъ, тогъды вжо и горломъ каранъ будеть. А на доводъ противъ такого злодея, з лицомъ такимъ, за што горломъ кар[а]нье описано, приведеного, при инъшыхъ поступкохъ правныхъ шляхтичу одному самому, а ровному з нимъ ч[о]л[о]в[е]ку простому самовторому присега сказывана будеть. А где бы не шло о горло, толко о иншое каранье меншое, то безъ присеги за сведецъствомъ трехъ або двухъ чоловековъ выконывано быти маеть.

Артыкулъ 8.

Для покою посполитого застановенье от злодейства.

От того часу уставуемъ и хочемъ то мети, абы кождый с подъданыхъ нашыхъ и с подъданыхъ князь[с]кихъ, панскихъ, духовныхъ и свецъкихъ, и боярскихъ, такъ можного стану, яко и менъшого, хто бы колвекъ што в кого на торгу, в дому або где колвекъ коня, вола, корову и иншые всякие речы купилъ албо выменялъ, тогды при такой купли або мене мають быти боришники, люди добрые, вери годние, и с тыми боришники самъ тотъ истецъ, хто продасть або променяеть, будеть ли се то на торгу стало, заразомъ до вряду, замку або двора нашого або до вряду нашого местского, звлаща где естъ право майдеборъское, а трафит ли ся то на торгу в местехъ князьскихъ, панскихъ, земянскихъ, до самого пана, в небытности паньской - до врядника его, прийти и тую продажу або мену до кгнигъ [!] сознати, и записати давшы, оный, хто купит або выменяеть, выписъ на то собе взяти маеть. А где бы ся купъля або мена стала не на торгу, але в дому або где колвекъ, звлаща [в] такихъ местъцахъ, где торги оподаль, миль в чотырохъ - в пети або и далей, при томъ такъже боришники мають быти, а потомъ тотъ, хто продаеть, на первшый або на другий торгъ по той купли або мене маеть з боришники або хотя з однымъ борышникомъ до близшого местечка, где торгъ бываеть, ехати и тую продажу або мену сознати. А который купилъ, выписъ собе взяти маеть, а тым выписомъ, кгды потреба укажеть, маеть [с]обе очыщати, а врядъ кождый от такового записанья и выпису не маеть болшъ брати, толко одинъ грошъ, от купуючого — полъгроша, а от продавцы другую полъгроша.

Нижли естли бы хто потомъ тую речъ позналъ и то передъ врядомъ довелъ, же то его власная речъ, тогды тотъ, хто перве[й] купилъ, пенези свои тратить, а тое, што купилъ, передъ врядомъ маеть оному, хто позналъ и довелъ, вернути. А будет ли менити, же при томъ лицы много погинуло, тогды тотъ, хто купил, маеть отприсягнутися, ижъ болшей тыхъ речей не купилъ, ани о них сведомъ, и то купилъ, не ведаючи, жебы мела быть речъ краденая. А тотъ, у которого што познають, пенезей своихъ маеть смотрети на томъ, у кого што купилъ або выменялъ. А где местечка суть ближей, тамъ подданые нашы, г[о]с[по]д[а]ръские, также духовныхъ и свецъскихъ становъ селяне на селахъ, ани в домехъ своихъ ничого продавати не мають, але до местъ и местечокъ все, што хотечы своее власности продавати, возити и продавати кождому волно. И купчыки албо торговцы для купован[ь]я некоторыхъ речей по селомъ ездити не мають, лечъ на торгохъ и в местечъкахъ, где ся кому што трафить, куповати кождому позволяем, чого яко врядники нашы, г[о]с[по]д[а]ръские, так князские, паньские, духовные и земяньские мають постерегати и объволывати, абы за такими покутными сельскими купецъствы и торговлями злодейство не множылося.

Артыкулъ 9.

О погоненье следомъ в якой колвекъ шкоде покраденой.

Коли бы покрадены кони, волы, быдло и иншые речы в дому и где жъ колвекъ, а тотъ шкодный понялъ бы следъ тое шкоды своее и, собравши людей добрыхъ околичныхъ суседовъ водъле давного обычаю гонилъ следомъ, а тотъ следъ где бы ку которому селу албо в чый домъ привелъ, тогды маеть послати до того села або до дому, где следъ вышолъ, людей добрыхъ [в оригинале: "добршхъ"] стороннихъ годъныхъ веры, абы з села своего и з дому, где бы следъ вшолъ, або з кгрунту земли села своего след вывели. Таковое село або в чый дом следъ будеть вшолъ мають тотъ следъ в тое копы взяти и з села або з дому изъ зeмли своее того села следъ вывести ажъ до инъшое границы, куды тотъ следъ пойдеть. А если бы тое село, до которого следъ приведено, от себе следу не вывели або от следу отбили, або, выгнавши, быдломъ затоптали, и на таковомъ застано[в]ившися тая капа [!], где следу не отведено або отбито, мають взяти возного, и с тымъ вознымъ люди сторонние, копа вся мают оную шкоду осумовати, на чомъ оный шкодникъ самотреть присягнеть, менуючи собе шкоду от того села. А кгды присягнеть, тогды оное село тую шкоду винни будуть заплатити, а собе винного искати и по сказанью мають черезъ возного и сторону, которые при том были, объявити то вряду кгродъскому того повету и половицу пересуду вряду дати, а врядъ маеть рокъ водле важности шкоды и науки статутовое заплате зложити и тотъ рокъ листомъ своимъ пану тых людей ознаймити и в том его напомянути, абы тую шкоду людемъ своимъ заплатити велелъ, або, естли о самого его дому копа будеть, самъ заплатилъ. А не станет ли ся в той речи заплата на рокъ, от вряду зложоный, тогды укривъжоная сторона, кгды, позвавши о то сторону противную до вряду кгродъского, доведеть того, же тая копа и сказанье слушне вчинено, тотъ тую шкоду будеть виненъ совито заплатити. А естли бы укривжоный злодействомъ хотелъ шкоды своее доходити копою, тогды вси в той околицы воколъ на милю со всихъ чотырехъ сторонъ мають казати подъданымъ своимъ на копу сходитися. А то ся маеть розумети вперед на тые местца, где досихъместъ копы не бывали, которые коповища кождый подкоморий в повете своемъ назначити и села тыхъ, хто ся тамъ становити будеть, описати маеть. А на Руси и инъде, где здавна копы бывали, тамъ мають быти и теперъ копы отправованы на старыхъ коповищахъ тымъ обычаемъ, яко первей того бывало. А на тыхъ тежъ местъцахъ, где доселъ копы не бывали, таковым же порядъкомъ и поступкомъ копы збираны и отправованы быти мають, яко ся и на Руси заховывало и заховуеть.

Артыкулъ 10.

Естли бы хто колвекъ шляхтича оселого або неоселого невинъне и без лица о злодейство объвинилъ.

Уставуемъ: где бы хто колвекъ шляхтича такъ оселого албо и неоселого обвинилъ о злодейство без лица и кромъ слушное причины такъ за позвы, яко и без позву, ч[о]л[о]в[е]ка доброго, веры годного и неподозреного, тогды таковое обвиненье оному шляхтичу на почстивости и доброй славе его ничого шкодити не маеть, але за таковое обвиненье тотъ жалобникъ повиненъ будеть того шляхтича навезати, яко бы его зранил, и там же на замку або в дворе нашомъ, где ся тое потрафить, маеть седети дванадцать недель, естли бы тотъ жалобникъ былъ самъ шляхтичь. А где бы простого стану ч[о]л[о]в[е]къ шляхтича тымъ обычаем, яко вышей описано, о злодейство обвинилъ, маеть за то у стовпа дубцы бит быти, обволываючи тотъ его выступъ.

Пакли ж бы в таковомъ обвиненью шляхтича хотя без лица, одно выписомъ с кгнигъ пиволанья [!] албо якие слушные причыны и тежъ знаки на него у права показалъ и злодейства на него за тымъ доводити хотел, а тотъ бы шля[хт]ичъ [две буквы в слове повреждены] обвиненый передъ тым николи о тое се еще никому не отв[о]дил, ани отприсегалъ, тогды в таковом обвиненью первшый кроть от того самъодинъ отприсягнутися маеть, яко ему в томъ не былъ и не естъ шкодъником. А по присязе за таковыми знаки вжо ему навезка не маеть быти плачона, ани везен[ь]я не повиненъ терпети. А где бы того жъ шляхтича, если оселого - за позвы, а неоселого - и без позву, на вряде нашомъ судовомъ также хто о злодейство другий разъ тым же обычаемъ за слушными знаки и вжо за другимъ поволаньемъ объвинено было, тогды вжо не самъодинъ, але самовтор з шляхътичомъ оселымъ, веры годнымъ, неподойзренымъ также без навезки того шляхтича поволаного отприсягнутися маеть. А где бы и третий разъ того жъ шляхтича с причынъ певныхъ, а не згола, але за третимъ поволаньемъ о злодейства хто обвинил, тогъды вжо самътретий з шляхтою оселою, людми веры годными и неподойзреными от того отприсягнутися маеть. А естли бы сполна светковъ не мелъ, хотя бы одного недоставало, с кимъ отприсягнутися, тогды за доводом слушнымъ або за присягою жалобника маеть всю шкоду ему заплатити, а собе винъного искати. А вед же естли бы того жъ шляхты ужо четвертый разъ также о злодейство было обвинено за слушными и явными знаки и поволаньемъ вжо неоднокротнымъ, первей того уделанымъ, то на него показано и доведено было бы тежъ и лица при немъ не зостали, а сторона поводовая, шляхтичомъ будучы, самътретей шляхтою, людми знаемыми, тубылцами, вери годными а неподойзреными о тое злодейство его поприсегнула, тогды вжо горломъ каранъ быти маеть яко злодей, а шкода з ыменья або з маетности его рухомое за доводомъ слушнымъ маеть быти плачона стороне поводовой. А естли бы шляхтич обвиненъ былъ от чоловека прост[о]го стану, тогды и за четвертымъ разомъ ч[о]л[о]в[е]къ стану простого ажъ самъсемъ з двема шляхтичы а с чотырма ч[о]л[о]в[е]ки собе ровными, неподойзреными поприсегнути его маеть.

Артыкулъ 11.

О обвиненью в злодействе шляхтича, летъ зуполныхъ не маючого, также и о простыхъ людяхъ.

Естли бы ся трафило, ижъбы шляхтичъ в летех шестьнадцати, а не болшъ, обвиненъ о злодейство або приведенъ былъ з лицомъ, тогды таковому про молодость л[е]тъ его не маеть быти поличоно за злодейство и не маеть быти до ката в руки и на муку даван. Нижли тую шкоду отецъ его або матка, або кревные з ыменья части его повинъны з навезкою заплатити и, заплатившы, то почстивости его шкодити не маеть. А не будет ли мети чымъ платити, ино дати его на выслугу, поки бы то заслужылъ, што зашкодилъ, а выслуга маеть быти по копе грошей годъ. Тымъ же обычаемъ можеть розумети и о детяхъ людей простых, лет не дорослыхъ. А вед же таковый хлопецъ неодрослый [!], естли бы в колку злодействахъ и при лицы былъ дознанъ, таковыхъ врядъ маеть карати водле зданья своего, то естъ не горломъ, але якимъ караньемъ на теле.

Артыкулъ 12.

О поволаньях.

Уставуемъ, абы поволанья злодейские передъ врядомъ оповеданы и явне высветчоны и до кгнигъ кождого вряду, где ся тое право точыть будетъ, а потомъ и до кгнигъ кгродъскихъ за сознаньем возного и стороны записованы были, которые книги яко передъ тымъ, такъ и теперъ зовуть чорными книгами. Таковое оповеданье и поволанье, врядовне записаное, маеть у права везде м[ест]ъце мети и приймовано быти и кгниги таковые чорные врядъ кождый кгродский маеть мети особъные, з иншыми справами в одъны книги такихъ речей злодейскихъ не мешаючы.

Артыкулъ 13.

Хто бы злодея приличного, ведомостъ о немъ маючы, в себе в дому ховалъ. Уставуемъ и сказуемъ, ижъ коли бы хто злодея приличного, ведоме в дому своемъ албо на именью своемъ осадивши, домом ховалъ або мешкати допустилъ, албо явного злодеи [!] от шубеницы своими пенезми откупилъ, тогды таковый кождый, естли бы то на него слушнымъ правомъ переведено было, всю шкоду, котороя [!] бы ся кому черезъ того злодея з ыменья его стала, будеть повиненъ платити и оправовати. Тым же обычаемъ, естли бы кому злодея, правомъ поконаного, на смерть выдано, а онъ бы не скаралъ, а потомъ кому ся колвекъ от того злодея шкода будеть деяти, тогды тотъ, хто того злодея пустилъ, за доводомъ стороны жалобное, же ся ему от оного злодея шкода деяти будеть, повинен будеть тую всю шкоду платити и оправити.

Артыкулъ 14.

О покраденье свирна або клети паньское и шляхетское и тежъ клети мужыцкое.

Тежъ уставуемъ: кгды бы покрадено которому пану або земенину свиренъ скарбный або спижарню, а то бы на него правомъ было переведено, тогды за то повиненъ будеть заплатити вины дванадцать рублей грошей и шкоду покраденую за присегою оправити. Тым же обычаемъ, естли бы мужыкъ мужыку клеть выкралъ, тогды за покраденье клети мужыку три рубли грошей и шкоду всю з маетности злодейское маеть за присегою плачоно быти. А место навезки за обое такое злодейство тотъ злодей, або и колко ихъ будеть, мають горломъ карани быти.

Артыкулъ 15.

О лицо, которое ся найдеть в дому ч[о]л[о]в[е]ка неподойзреного албо тежъ и подойзреного.

Уставуемъ: кгды бы у ч[о]л[о]в[е]ка неподозреного всякого стану за замкомъ лицо было найдено, а до тое хоромины было бы окно, до которого могло бы лицо укинено быти и неприхоронено, тогды таковый ч[о]л[о]в[е]къ, естли будеть неподойзреный, маеть, з жоною и з детьми дорослыми, будет ли ихъ мети, отприсягнутися, а не будет ли жоны або дете[й], ино с челядью домовою.

Тым же обычаемъ, кгды лицо засталъ в чиемъ дому, в гумне або за плотомъ, по тому жъ маеть тотъ ч[о]л[о]в[е]къ неподозреный отприсягнутися, ижъ того не в[е]далъ. А естли бы в хоромине за замком было найдено, и хотя бъ тое лицо было прихоронено, а окно бы у тое хоромины было такъ великое и замкненьемъ необварованое, жебы ч[о]л[о]в[е]къ имъ улезти могъ, то такежъ маеть от такового лица обвиненый отприсегнутися. А не будет ли такъ великого окна або хотя бы и великое окно было, а замкненьемъ знутра было добре обваровано, то вжо такое лицо маеть быти поличоно за злодейство, с которымъ кого при томъ лицы застануть, мает быти веденъ шляхтичь до вряду нашого, а слуга або человекъ панъский, шляхетъский — до пана своего. Пакли ж бы такое лице вонтъпливое найдено у ч[о]л[о]в[е]ка подозреного, то естъ первей при лицы якомъ стоячого албо поволаного, тогды шляхтичь, естли бы четвертый разъ, яко о томъ вышей доложоно, былъ в такой речи обвиненъ, вжо водлугъ оного жъ артыкулу сужонъ быти маеть. А противъ простого ч[о]л[о]в[е]ка за третимъ разомъ и при такомъ лицы доводъ маеть быти чиненъ. А за доводомъ мають быти водлугъ права горломъ караны, а шкода з ыменья або маетности винъного з навезкою плачона будеть.

Артыкулъ 16.

О злодею, которого на злодействе не в дому поймають.

Естли бы злодей былъ пойманъ на злочинъстве, а не в дому своемъ, а тые речи краденые в дому еще не были, таковый злодей самъ одинъ маеть за тое злочинъство каранъ быти, а жона, дети и домовая челядъ от того будуть волни, одно шкода, злодействомъ его вчыненая, з маетности того злодея за доводомъ плачона будеть, што бы болшъ надъ тое лице укралъ.

Артыкулъ 17.

О знаки злодейские на чоловека подозреного.

Уставуемъ: кгды бы на ч[о]л[о]в[е]ка которого простого стану подозреного, то естъ который, хотя бы при лицы не былъ, але однакъ былъ бы вжо поволанымъ або злодейство кому платилъ, хто жаловалъ, менуючи собе от него шкоду въ злодействе якихъ речей, а мелъ бы на то светковъ [буква "т" составлена из букв "п" и "с"] трехъ або двухъ людей добрыхъ, неподозреных, веры годныхъ, которые бы того злодейства зъ якихъ слушныхъ причинъ ведоми были, тогды за сведецьством такимъ мает быти тотъ чоловекъ подозреный на муку выданъ и мучонъ маеть быти от стороны поводовое одинъ разъ. Вед же не далей, толко черезъ годину, одно бы его на члонку не охромилъ; и домучит ли ся злодейства, тотъ ма [!] быти горломъ каранъ. А естли ся ничого не домучитъ, тогды маеть его навезати водлугъ стану его.

Артыкулъ 18.

Трикроть злодея приличного одного дня можеть мучыти.

Уставуемъ: кгды бы поймано злодея приличного, а на тотъ час без лица будеть пойманъ, тогды такового злодея три кроть одного дня можеть мучыти, толко бы на которомъ члонку не образилъ. А естли бы ся не домучылъ, тогды за кождымъ разомъ муки оное маеть его навезати водлугъ стану его.

Пакли ж бы в оной муце злодейства на немъ домучытися не могъ, а оною мукою уморенъ або на члонку охроменъ, таковый будеть повиненъ за умерлого головщину совито, а за хромоту яко за цалого ч[о]л[о]в[е]ка платити подлугъ стану его. Нижли естли бы тотъ злодей в оной муце для чаровъ спалъ, а муки не чулъ, а тые чары были бы при немъ найдены ув устехъ або на голове, у волосехъ, подпахами або где инде, тогды навезки ему не повиненъ дати и еще токовый приличный злодей хотя бы ся за такими чары до злодейства не призналъ, будеть повиненъ стороне жалобливой шкоду платити, на чомъ присягнеть.

Артыкулъ 19.

О злодеяхъ и розбойникахъ, которые бы врядника своего поволали.

Уставуемъ: кгды бы чыихъ колвекъ подданыхъ злодеевъ або розбойниковъ и якихъ колвекъ злочинцовъ поймано, а они бы, идучи на смерть, поволали врядника своего, ижъ того злодейства ихъ сведомъ и тымъ лупомъ с ними ся делилъ, а тотъ врядникъ былъ бы шляхтичь, таковый маеть первший кроть отприсегнутися самъодинъ, а потомъ, естли бы таковыхъ другихъ и третихъ злочинцовъ поймано, а тые также, идучи на смерть, того ж поволали и на шыбеницы не отволали, тогды тотъ от тыхъ поволаный маеть отприсягнутися такъ, яко о шляхтичу вышей описано. А четвертым разомъ, естли бы тым же способомъ былъ поволан, тогды вжо без кождого отводу и присяги, и без лица, леч однакъ за доводомъ маеть быти сказанъ на смерть яко злодей, а шкода з ыменья або маетности его укривжоному плачона будеть.

А где бы тотъ врядникъ не былъ шляхтичь, тогды за первъшымъ поволаньемъ злодейскимъ, которые бы то [с]мертью запечатали, маеть стороне жалобливой шкоду всю платити, на чомъ присягнеть. Пакли ж бы того жъ врядника нешляхтича повторе таковые жъ злодеи и тым же способомъ поволали и также смертью запечатали, таковый нешляхтичь вжо без кождого лица также за доводомъ маеть сказанъ быти на смерть яко злодей, и по такового за тыми знаки слушными и поволан[ь]и правными поконаного маеть врядъ нашъ кгродский повету кожъдого зеслати и, поймавши его и на вряде перед собою поставивши, казати на него стороне жалобной фольдровати.

Артыкулъ 20.

О чоловека неподозреного.

Уставуемъ: естли бы шляхтичъ которого нешляхтича и неподозреного помовилъ, менуючы, ижъбы его злодеемъ былъ, от него в злодействе ему шкода ся становила, и, не маючыхъ [!] никоторых слушныхъ знаковъ, хотелъ его о злодейство поприсегнути, тогды тотъ ч[о]л[о]в[е]къ, яко будучы неподойзреный, близшый будеть от того самотреть з суседы своими, людми неподойзреными, будь чужоволостъцами албо з людми того жъ одного пана, але однако жъ в особливыхъ домехъ мешкаючыми и людми добрими, вери годными, неподойзреными и неприличными, отприсягнутися, а судъ ему того маеть допустити. А естли бы тотъ чоловекъ самотрет на томъ не присегнул, тотъ тую шкоду, о што жалоба будеть, повиненъ будеть заплатити, а другий разъ, кгды бы того жъ о злодейство было обвинено, тогды за другимъ разомъ и обвинен[ь]емъ от шляхтича маеть быти поконанъ водле права и присеги яко злодей.

Артыкулъ 21.

О забитье злодея при лицы.

Уставуемъ тежъ: где бы хто злодея при лицы в дому своемъ забилъ, такового злодея забитого того жъ часу по ономъ забитьи маеть оказати суседомъ околичнымъ и потомъ што нарыхлей вознымъ и стороною объведшы и до вряду привести и оказати маеть. А потомъ, будет ли позванъ о то до вряду, тогды вряд маеть ему допустити отприсегнутися, ижъ его на злочынстве при лицу в дому своем забилъ. Такъ тежъ, естли бы ся кому трафило на дорозе або где инде полемъ або лесомъ утекаючого злодея погонити, а онъ бы пойматися не далъ, а в томъ при лицы былъ забитъ, тогды тотъ, хто гонить в дорозе за злодеемъ, маеть при собе мети суседовъ або сторонъныхъ людей и с тыми, привезшы трупъ, передъ врядомъ маеть высведчытися, ижъ его при лицы забилъ. А будет ли о то ку праву позванъ, также маеть тыми людми, с кимъ за злодеемъ гонилъ, самотреть на том присегнути, ижъ на злочынстве и при лицы яко злодея своего забилъ. А ранного злодея маеть вести з лицомъ до вряду нашого такъ, яко вышей описано, бо злодея, при лицы пойманого, нихто не маеть ни одного дня в себе держати, але того ж часу вести до враду. А хто бы злодея черезъ день и черезъ ночъ в себе в дому держал, тогды, приведшы до вряду, первей виненъ будеть его навезати водле стану, а ранный естли будучы пойманъ, а до вряду не ведучы черезъ день и черезъ ночъ задержанъ и там в дому его умеръ, тогды будеть повиненъ головщызну платити также водле стану тым же обычаемъ. Естли бы хто, злодея поймавшы и до вряду не ведучы, в дому в себе або на дорозе, правомъ не поконавшы, мучыл, таковый также первей будеть повиненъ его совито навезати, потомъ у право з нимъ уступити.

Артыкулъ 22.

Хто бы што вкралъ на дворе нашомъ, г[о]с[по]д[а]рскомъ.

Тежъ, хто бы на дворе нашомъ, г[о]с[по]д[а]рскомъ, што вкралъ, а то бы стало меншъ двохъ коп грошей, а шла бы тая речъ не о горло, и правомъ бы то на него переведено албо лицо вынято, таковому мають ухо одно урезати, а потомъ естли бы што вкралъ, бы тежъ краденая речъ и десети грошей не стояла, тогды вжо горлом маеть быти каранъ, вед же и в тотъ часъ за слушнымъ поконан[ь]емъ правнымъ.

Артыкулъ 23.

О жонахъ и о детехъ, которые вжывали речей краденыхъ.

А естли бы лице в дому застато и дети и жона при том были, и тыхъ речей краденыхъ, ведаючи их быти крадеными, уживали, тогды они повинъни будуть тую шкоду платити, а в недостатку заплаты и сами головами выдаваны быти, нижли не въ вечную неволю, одно покуль ся выробить, яко тым, которые бы закуплены были, а горломъ тотъ самъ злодей маеть быти каранъ, который кралъ.

Артыкулъ 24.

О выдаванью лица з уряду нашого и тежъ з двора князского, паньского и шляхетского.

К тому уставуемъ: естли бы лице принесено было до вряду нашого, г[о]с[по]д[а]ръского, князского, паньского и земяньского, а хотя бы тое лице была речь важная — золото, серебро, грошы, шаты, кони дорогие, тогды от всего того лица, хотя наважнейшого, кождый врядъ, взявши доходъ свой пятьдесятъ грошей, маеть тое лицо тому, хто его зысчеть, вернути и отдати, а злодей за вину злодейскую горломъ каранъ будеть. А которое бы лицо стояло меншъ копы грошей, от того выкупна толко шесть грошей брано быти маеть.

Артыкулъ 25.

О блудяги.

Кнежата и панове хоруговные, панове рада, также и врядники земские о блудяги, также и о то, с чого злодей согнанъ бываеть, мають ся заховати тымъ обычаемъ, нижей описанымъ, то естъ, кгды ся чый конь албо якое иное быдля приблудить або згонъное трафиться на йменью ихъ, будеть взято до двора ихъ, а будет ли в тотъ часъ в томъ именью панъ самъ, то такое быдля можеть у себе ховати, поки его тотъ, чые будеть, отыщеть. А отыскуючы, маеть от кождого коня тотъ, чый будеть, дати по два грошы, а быдло маеть отдавати даромъ. А шляхта, которые седять у поветехъ, преблудные або згонные клячы и быдло мають водити и давати до дворовъ наших, а болшъ трох дней не мають в себе ховати блудяги, также и згонного. По тому ж ся и врядники князские, паньские, кгды приблудное або згонное быдля або колко ихъ в небытности в томъ именью самыхъ пановъ ихъ трафить, мають ся заховати и до вряду нашого отдавати, яко о шляхте вышей в сем же артыкуле описано. А врядъ нашъ тую два грошы, беручы быдло, маеть тому, хто его дасть, отдати, а потомъ то собе у того, чые быдло будеть, озметь. А хто бы з шляхты або з урядниковъ князьскихъ, паньскихъ через три дни в себе блудяги або згонные ховалъ и до двора нашого не далъ, а то будеть на него переведено и лице з дому шляхетского або з двора паньского вынято, тогды того маеть ся справовати яко злодейства.

Артыкулъ 26.

О краденью збожя всякого, в копахъ на поли або в стиртахъ зложоного, такъже и сена.

Уставуемъ: кгды бы хто злодейскимъ обычаемъ чые збожъе жал або готовое жатое збожъе зложоное або сено крал, або сеножать злодейскимъ таемнымъ обычаемъ скосилъ, а тотъ, чые збожъе або сено, будеть беручы зосталъ, тогды тотъ, хто зостанет, маеть, поймавшы, вести с тымъ лицомъ, з возы и с конми, где всхочеть, будь до вряду нашого кгродского або до пана его, а тотъ врядъ нашъ або панъ з оного ч[о]л[о]в[е]ка справедливость учынити яко з ыншыми злодейми приличными виненъ будеть. Естли ж бы тые, што по жыто або по сено приехали, пойматися не дали, а в томъ кого с тыхъ злочынцовъ забито або ранено, тогды тот, хто забъеть, маеть стороне людямъ околичнымъ и тежъ на враде оповедати и вознымъ обвести и трупъ або ранныхъ на вряде и возному оказати, звлаща естли бы тые злодеи, змоцнившыся, трупъ з собою не взяли або, ранными будучы, не увошли. А будет ли о то ку праву притягнен, тогды мает того отприсягнутися самотреть з суседы, которые бы при томъ были, а в недостатку людей сторонъныхъ - з слугами, подъдаными своими, ижъ при збож[ъ]ю своемъ забилъ або ранилъ; таковый головщины ани ранъ платити не будеть повиненъ. Пакли ж бы тые злочынцы, змоцнившыся, того пана самого, будь слугу и подъданыхъ его при его жъ збожъю побили и поранили або и забили, а то бы на них слушнымъ правомъ было переведено, таковые будуть повинны кгвалтъ платити дванадъцать рублей грошей и раны подданымъ оправити, якого стану будуть. А ранит ли хлопъ шляхтича, тотъ горъло тратить. А естли бы шляхтичъ ш[л]яхтича в такомъ припадку забилъ, тотъ горломъ каранъ будеть и головщына, к[г]валтъ и шкоды з ыменья плачоны, а за зраненье навезка маеть быти плачона. А забъет ли шляхтичъ простого ч[о]л[о]в[е]ка, тотъ к[г]валтъ, шкоды и головщыну платити маеть. А простый ч[о]л[о]в[е]къ за простого забитье горломъ каран будеть. Также кого бы поймано крадучы снопов[ь]е с копъ або сенъные копы або тежъ збожъе, у пряжмо режучы под колосъ, таковый простый ч[о]л[о]в[е]къ, кгды будеть з лицом приведенъ, маеть у столпа пугами битъ быти, а шкоду з маетности заплатити, если што болшъ будеть менити. А естли бы на злодействе в поли не поймано, але лице в дому найдено албо следомъ присочоно, о то, яко и о иншомъ злодействе, маеть быти сужоно водлугъ сего статуту.

Артыкулъ 27.

О покраденье ставу и сажовъки.

Уставуемъ: кому бы злодейскимъ обыча[е]мъ ловлено рыбы в ставе або в сажавце [!], таковый, кгды будеть пойманъ и приведенъ до вряду з лицомъ первшый разъ, за доводомъ маеть быти пугами битъ. А где бы тотъ же другий разъ з лицомъ былъ пойманъ, тот за доводомъ слушнымъ урезаньемъ уха каранъ будеть. А е[с]тли ся того жъ третий разъ допустить, тотъ за доводомъ слушным маеть быт[и] каранъ яко злодей, хотя бы лицо не стояло шацуючы и десети грошей.

Артыкулъ 28.

О шкоде, которая ся станеть часу пожоги або в стоненью на воде.

Кгды бы се трафило подъ часомъ от огню погоренья в месте або где колвекъ або бы хто на воде стонулъ, а в тотъ часъ што ему згинуло, которая згуба у кого колвекъ бы се затаеная показала, тогды тотъ, чыи речи будуть, маеть з нимъ о то чынити правомъ яко о злодейство. А тотъ, у кого то познано будеть, окажет ли то оповеданьемъ на вряде, же то з воды або с огня вынял, от злодейское вины воленъ будеть. А тые речи тому, чыи суть, вернути, але тотъ, хто такие речы свои всхочеть мети, половицею цены, чого стояти будеть, маеть у оного окупити.

Артыкулъ 29.

О людяхъ своволныхъ таковыхъ, который бы, намовивши невесту мужатку, и з нею уехалъ.

Повстегаючы злость людей своволныхъ, уставуемъ, ижъ где бы хто, якого колвекъ стану будучи, пропомневши боязни божое и повинности своее хрестияньское [в оригинале: "хрестиюньское"], смелъ подъмовити и взяти кому жону, хотя жъ зъ ее призволеньемъ, и уехалъ бы з нею, тогды, будет ли постигненъ в дорозе, в месте, в господе и на которомъ колвекъ местцу, маеть быти пойманъ и до вряду кгродского веденъ, яко и который иный злочинца, або тежъ з оселости его земъское, позвы ку праву будучи притягненъ на рокъ завитый, таковый за доводомъ слушнымъ горло тратить. Такъ тежъ и тая невеста, которая на то позволила, на горле карана быти маеть. Кроме того, естли бы мужъ ее горломъ карати не хотелъ, то мает зостати при воли его. А шкоды за бранье маетности за позволеньем таковое белое головы, то все з совитостью з ыменья его, хто то учинить, плачона быти маеть. Где бы ся тежъ то трафило, жебы в гоненью тотъ, который будеть гонити, от того, хто з мужаткою уездъжаеть, забитъ былъ, або бы тежъ того, который бы таковымъ преречонымъ способомъ з белою головою уездъжалъ, забито, тогды в томъ судъ заховатися маеть водлугъ того, яко о чужоложнику в сем же розделе, артыкуле нижнем тридцатомъ естъ описано.

Артыкулъ 30.

О каранью чужоложъства.

Забегаючи, межи иншими, и той злости, абы ся в панъствахъ наших християнъскихъ не множила, то естъ чужоложство, которымъ немней панъ богъ бывает ображонъ, уставуем: естли бы мужъ, маючи в подозрен[ь]ю жону свою о чужоложство, и на тое бы ся насадиши [!] якого колвекъ стану застал з нею на вшетечности, тогды волно будеть мужу, оного чужоложника и з женою своею поймавши, и то суседом околичным заразомъ оповедати, потомъ также заразомъ вести до вряду нашого кгродъского, а тамъ, показавши то передъ урядомъ явне и правдиве, не з вазни, яко противъ жоны або тому, кого с нею засталъ, маеть ихъ самотреть албо з людми сторонъними, которые бы при томъ застатью и пойман[ь]ю были, албо з слугами и челядью домовою поприсегнути. А они обое горломъ карани быти мають.

То жъ ся маеть розумети и о панъне, которая бы, боязнь божую и въстыдъ отложившы на сторону, вшетечне мешкала, на которую повинъным по отцы и по мечу волно будеть инъстыкговати. Вед же вряд маеть пилне того постерегати, абы то не было з вазни, ненависти або с хтивости маетностей якихъ. А естли бы тот чужоложникъ не далъся поймати и в томъ былъ забит, тогды о томъ розсудокъ маеть быти такъ чиненъ, яко о гвалтовнику [!] дому шляхетъского, на кгвалте забитомъ, естъ описано. Пакли ж бы от чужоложника мужъ в тотъ часъ при застанью его былъ забитъ, таковый мужобойца горло и честь тратить, а головщина з ыменья албо маетности его плачона будеть, и жона такая также горломъ будеть карана.

Артыкулъ 31.

О каранью зводницъ.

Уставуемъ, хотячи то мети вечными часы, ижъбы подданые нашы, под росказаньемъ нашымъ мешкаючи, учстиве жили, зысков спросныхъ богу и людемъ почстивымъ обрыдлых не наследовали, прото абы такие люди, будь мужчизна або белая голова, в местех нашихъ не были терпены, которые звыкли для зыску своего спросного намовляти панъны або вдовы и мужатки кому кгволи для спросности телесное, такъ ижъ хотя бы с которое могло быть што доброго въ стане малженъскомъ, оборочаются за намовами зводницъ внивечъ, въ спросное а вшетечное помешкан[ь]е. Для того росказуемъ воеводамъ, старостамъ и уряду месткому, абы такихъ за оказанъемъ явнымъ имати казали и карали обърезаньемъ носа, ушу и губы и з местъ выганяли. А где бы ся и по такомъ каранью тым же спроснымъ зыском жывили, тогды врядъ такихъ на горле карати маеть.

Артыкулъ 32.

О забитью бенкарта.

Хто бы бенъкаръта забилъ, таковый от горъла воленъ быти маеть. Ведъ же естли бы матъка жива была оного бенкарта, волно ей будет головщизны доходити, а головъщизна таковому сыну, бы его тежъ мела нетъ ведома якимъ зацнымъ чоловекомъ, не маеть быти плачона, одно яко за простого стану чоловека.

Артыкулъ 33.

О коръчъмахъ покутныхъ.

Обачаючи тежъ то, ижъ в томъ панъстве, великом князств[е] литовъскомъ, на частыхъ местцахъ, на селахъ намножилосе свовне много коръчомъ покутныхъ, которые коръчмы покутные не одно на великой переказе местомъ нашымъ и шляхетъскимъ, але и в речи посполитой сказу и шкоду приносятъ не меншъ с тое самое причины, же в таковых коръчмахъ покутнихъ уставичне забойства, злодейства, розъбой и инъшие многие збытъки деютъся, чому забегаючы, уставуем, то хотечи мети, абы яко на именьяхъ князъскихъ, панъскихъ и шляхетъскихъ коръчмы покутъные нигъде не были, и подданые, такъ нашы, яко панъские, князьские и шляхетъские, по селах в домехъ своихъ пива на шынъкъ не варили и не продавали, также медомъ и горелъкою не шинъковали и шинковъ жадныхъ не мели, кромя стодолъ при гостинцохъ и дорогахъ звыклыхъ, также на именьяхъ паньскихъ и шляхетъскихъ, в которыхъ для людей переежьчихъ яко речы стравъные, такъ и шинъкъ уставичне быти можеть, а таковые коръчмы покутные в кождомъ воеводстве, земляхъ и поветехъ врядъ нашъ кгродъский черезъ наместники свои, придавъшы до нихъ возного поветового, яко у своихъ урадехъ, такъ и в ыншыхъ деръжавахъ замковъ и дворовъ нашихъ, которые въ ихъ воеводъстве або старостве, у волостях, по селахъ будут, гамовати мають. И где бы у которого кольвекъ подъданого нашого пиво, на шинкъ увареное, также медъ и горелъку шинковную знашли, тогды яко трунокъ, такъ и все начинье пивное, медовое и горельчаное — котлы, кублы, бочьки, а не иншую маетность забирати мають до замку або двору нашого. А с того половица пожитку маеть ити на шпиталь, а другая половица на оный врядь [!] кгродъский. А на именьяхъ, волостяхъ и селахъ панъскихъ, князскихъ и шляхетскихъ, всякого стану духовного и светъского с того не выймуючи, в кождомъ повете мають того постерегати и о такихъ коръчмахъ пильне выведыватися вряды кгродъские. А такого шляхтича, хто бы самъ корчмы покутные в селехъ або в дому своемъ шляхетскомъ мелъ, а не на гостинцу, албо при якой дорозе, не збудовавшы дому гостиного, мелъ, албо людямъ своимъ в домехъ ихъ мети дозволилъ, кождому шляхтичу, хто похочет, позвати о то до суду кгродского на рокъ завитый волно. Кгды то на которого шляхтича доведено будеть слушнымъ доводом, мает вины заплатити три рубли грошей, которое вины половица маеть належати тому вряду кгродскому, а другая половица маеть быти дана тому шляхтичу, хто позоветь. А тотъ вряд кгродъский повиненъ будеть тому всему досыть чынити и то выконывати подъ виною на насъ, г[о]с[по]д[а]ра, до скарбу нашого земского того панства дванадцатма копами грошей. По тому жъ старосты, державцы, тивуны и кождый врядъ нашъ, который бы в том былъ противенъ а вряду кгродскому тыхъ корчомъ покутных на волостяхъ нашыхъ забирати боронилъ албо бы самъ таковыхъ корчомъ ужывати подъданымъ нашымъ по селахъ для пожытку своего позволалъ [!], таковой же вине менованой подлечы виненъ будеть за кождымъ разомъ, колько бы кроть о то для невыконанья того артыкулу от кого колвекъ передъ насъ, г[о]с[по]д[а]ра, або до суду головного позванъ былъ.

Артыкулъ 34.

Хто бы кого обвинилъ и передъ врядъ привелъ, мает того жъ часу описатисе, на который рокъ маеть доводити.

Тежъ хто бы, кого обвинившы передъ врядомъ до везенья албо за паруку давшы и рокъ от вряду ку доводу принявшы, самъ без слушное причыны на тотъ рокъ не сталъ албо слушное причины нестанья своего через посланца на тотъ рокъ не ознаимил [!], тогды врядъ [в оригинале: "врюдъ"] по выистью [!] оного року обвиненого маеть волнымъ учынити и вольное мовенье у права с тымъ, хто его обвинившы не доводилъ, заховати.

Артыкулъ 35.

О цыганехъ.

Ижъ цыгани суть люди непотрабные [!] и порожнуючые, которые не толко жадное послуги, пожытку нам и никому в речы посполитои не чынят, але и овшемъ шкода через нихъ в ошукиванью простыхъ людеи и в крадежы, а снать и въ збиванью потаемном не малая ся дееть, а часомъ, выходечы до иншыхъ земль, звлаща неприятелскихъ шпекгами и вожами до злого могли бы ся ставати, а прето уставуемъ, абы ихъ конечно от того часу нигде в панстве нашомъ, великомъ князстве литовскомъ, и в земляхъ, до него належачыхъ, далей не было ховано, чого старостове пограничъные и иные державцы нашы мають с пилностью постерегати, абы до земли нашое не входили. А кгды их которыи з нихъ з староства и вряду своего выпудить, абы жаденъ з ынъшыхъ становъ подъданыхъ нашыхъ черезъ то ихъ не прыймовалъ и на именъяхъ своихъ не переховывалъ подъ виною до скарбу нашого дванадъцатма копами грошеи.

Артыкулъ 36.

О новомъ назвиску челеди дворное место того, што ихъ передъ тымъ неволниками звано.

Ознаимуемъ и ведомо то чынимъ, ижъ што в семъ теперешнемъ статуте тыхъ людей о челядь, которые передъ тымъ неволниками были званы, отменено назвиско и поменено, а написано их челед[ью] дворною отчызною, материстою, купленою, або полонениками, тогды тое отмененье назвиска ихъ часу права на кождомъ враде, кгды бы хто своеи челяди неволное пойскивалъ, никому с подъданыхъ нашыхъ до ужыванья и доваженья справедливости ничого шкодити и перешкажати не маеть.

Артыкулъ 37.

От которого часу тымъ статутомъ судити мають.

А тые вси речы, в томъ статуте описаные, мають ся стегати на речы пришлые от того часу, яко за конъфирмацыею нашою, г[о]с[по]д[а]ръскою, ку ужыванью сесъ статуть выдан, выймуючы и варуючи толко артыкулъ тринадъцатый в розделе семомъ о способе доводу заставъ давныхъ, которые уросли по выданью первъшихъ старыхъ статутовъ.